I საერთაშორისო სამეცნიერო-პრაქტიკულ კონფერენციას ,,ტურიზმი: ეკონომიკა და ბიზნესი"

კონფერენციაზე სხვადასხვა ქვეყნიდან წარმოდგენილი იყო 160 მოხსენება, მონაწილეობდნენ საქართველოს წამყვანი უნივერსიტეტების, თურქეთის, უკრაინის,  გერმანიის და აზერბაიჯანის  პროფესორები და ტურიზმის დარგის სპეციალისტები, ასევე ტურიზმის ინდუსტრიის ბიზნესის წარმომადგენლები.
6 ივნისს კონფერენციამ მუშაობა ტრაპიზონის ტექნიკურ უნივერსიტეტში შეაჯამა.

სტრატეგიული მენეჯმენტი: კონცეფციები და ბიზნესსიტუაციები

არტურ ა. ტომპსონი-უმც., ა. ჯ. სტრიკლენდი III. სტრატეგიული მენეჯმენტი: კონცეფციები და ბიზნესსიტუაციები, მე-13 გამოცემა: ნათ. ინგლ. – შოთა რუსთაველის სახელმწიფო უნივერსიტეტის გამომცემლობა, 2010. – 923 გვ. ქართულენოვანი გამოცემა მომზადდა შოთა რუსთაველის სახელმწიფო უნივერსიტეტის ბიზნესის სკოლის მიერ McGraw-Hill კომპანიასთან გაფორმებული ხელშეკრულების საფუძველზე.

სამი საქართველო: ტაო-კლარჯეთი, ფერეიდანი, საინგილო

ბიზნესის სკოლამ, შოთა რუსთაველის სახელმწიფო უნივერსიტეტის სტუდენტურმა თვითმმართველობამ და ტურისტულმა სააგენტო UNItour-მა, განახორციელეს საერთაშორისო პროექტი ,,სამი საქართველო: ტაო-კლარჯეთი, ფერეიდანი, საინგილო", რომლის მიზანი იყო სხვადასხვა ქვეყნებში მცხოვრები ჩვენებურების მონახულება, მათი ფოტო და ვიდეოფირზე აღბეჭდვა და საზოგადოების ფართო ფენებზე გაცნობა.
მომზადდა სასწავლო "კეისი".

პირველი ქრისტიანული გზა საქართველომდე

ბიზნესის სკოლამ და ტურისტულმა სააგენტო UNItour-მა, განახორციელა საერთაშორისო პროექტი პირველი ქრისტიანული გზა საქართველომდე“ (თურქეთი, სირია, იორდანია, ეგვიპტე), რომლის მიზანი იყო საქართველომდე პირველ ქრისტიანულ გზაზე ძეგლების მონახულება, პირველი ქრისტიანული მემკვიდრეობის და სულიერი ფასეულობების პოპულარიზაცია.
მომზადდა სასწავლო "კეისი".

საერთაშორისო ტურიზმის მარკეტინგული გამოკვლევა აჭარის ა.რ-ში

ბიზნესის სკოლამ, აჭარის არ ტურიზმისა და კურორტების დეპარტამენტმა, გერმანიის ტექნიკური თანამშრომლობის საზოგადოების GTZ-ის დაფინასებით განახორციელა პროექტი, რომლის მიზანი იყო, აჭარაში საერთაშორისო ტურიზმის მარკეტინგული კვლევა და რეკომენდაციების შემუშავება.

ტურიზმის ინდუსტრიის მარკეტინგული გამოკვლევა აჭარის ა.რ-ში

ბიზნესის სკოლამ, აჭარის არ ტურიზმისა და კურორტების დეპარტამენტმა, გერმანიის ტექნიკური თანამშრომლობის საზოგადოების GTZ-ის ხელშეწყობით განახორციელა პროექტი, ,,ტურიზმის ინდუსტრიის განვითარების მარკეტინგული გამოკვლევა აჭარის ა.რ. -ში “, რომლის მიზანი იყო, აჭარაში ტურიზმის ინდუსტრიის ორგანიზაციებისათვის ბიზნეს ფორუმის მოწყობა.

სელიმობა 2007

ბიზნესის სკოლამ, ტურისტულმა სააგენტო UNItour-მა USAID-ის მხარდაჭერით, CHF საერთაშორისო-საქართველოს დაფინანსებით განახორციელეს პროექტი, რომლის მიზანი იყო სახალხო დღესასწაულის ,,სელიმობა 2007”-ის საშუალებით ეკო, აგრო და ეთნოგრაფიული ტურიზმის პოპულარიზაცია.

მოგზაურობა ისტორიულ ტრაპიზონში

ბიზნესის სკოლამ და ტურისტულმა სააგენტო UNItour-მა, განახორციელა მარკეტინგული კვლევა, რომლის მიზანი იყო ტურისტული პროდუქტის - ,,მოგზაურობა ისტორიულ ტრაპიზნონში“ (სუმელას მონასტერი, აია-სოფიას ეკლესია) ფორმირება და ტურისტული სააგენტო UNItour-ის მიერ მისი რეალიზაცია.

მოგზაურობა ისტორიულ ტაო-კლარჯეთში

ბიზნესის სკოლამ და ტურისტულმა სააგენტო UNItour-მა, განახორციელა მარკეტინგული კვლევა, რომლის მიზანი იყო  ტურისტული პროდუქტის - ,,მოგზაურობა ისტორიულ ტაო-კლარჯეთში“ (დოლისყანის, ბანის, იშხანის, ხახულის, პარხალის, შატბერდის ეკლესიები, ხანძთის და ოშკის მონასტრები)  ტურისტული პაკეტის ფორმირება და ტურისტული სააგენტო UNItour-ის მიერ მისი რეალიზაცია.
მომზადდა სასწავლო "კეისი".